معنوى ومادى

.

.

.

.

السلام عليكم ورحمة الله وبركاته

نبعد شوية عن اللغة العربية الفصحى لان في ناس بتتعقد منى بسببها شوية

مع انى كان نفسي الموضوع ده بالذات اكتبه بالفصحى بس معلش

المهم ندخل في الموضوع

كنت هاكتب في العنوان مادى ومعنوى زي ما كلنا بنقول بس ده ليه دلاله عندى

اى شئ مادى ملموس دايما بيشدنا لان الحواس بتاعتنا بتلقطه

الشئ المعنوى بيبقى صعب اللمس لان الاحساس بيه بيحتاج قدرة معينة

ورغيت ده كله عشان اوصل لنقطة الاحساس

عارفين الانسان لما يضحى بشئ معنوى عشان يسعد حد اعظم الف مرة من لما يضحى بشئ مادى

مش هانكر اهمية الماديات بس فعلا المعنويات اعظم

لما تلاقى واحد ضحى وبعد عن انسانه بيحبها عشان عرف ان اخوه راح يتقدملها ده تسموه ايه مش احسن واغلى ما يديله فلوس

الفلوس بتروح وتيجي لكن الشئ المعنوى لما بيروح من حد عمره ما بيرجع ولو رجع مش هايبقى زي الاول

لما حد بيروح منه الامان صعب يرجعله ولو رجع مش هيبقى حاسه زي الاول هايبقى دايما مترقب وخايف يروح منه تانى

بس مش عارفة ليه الاحساس بقى شاحح اوى عند الناس اليومين دول

ناس كتير اوى مبقتش مدركه قيمة الكلمة الحلوة ولا البسمة

مبقتش مدركة يعنى ايه حد يقول لحد انا مبقتش حاسس اللى بتقوله

عارفين يعنى ايه اتنين يفقدوا الاحساس ببعض يعنى هايبقى في لما واحد فيهم يبكى التانى عمره ما هايفكر يمسح دمعته

زي ما مرة بقول لواحدة صحبتى انا هابعد عن الناس شوية قالتلى يعنى مش هاتكلمى حد ولا هتسالى على حد

قولتلها لا بالعكس بس البعد اللى اقصده ناس قليلة اللى هاتحسه الناس اللى فعلا حسانى

في ناس فاكره انى مادام باكل وبشرب وبضحك يبقى خلاص هي دي الحياة

بالعكس في حاجات لو الانسان محسهاش ميحسش انه عايش

انا ساعات بحس انى ببالغ مش عرافة ليه

بس فعلا فكروا شوية كده .. عندك ياخدوا منك عربية ولا ياخدوا منك شعورك بالرضا والراحة؟؟؟ وانتوا هاتفهوا قصدى

متخلوش الدنيا تلهيكوا عن حاجات انا شيفاها بسيطة لو عملتها عشان حد هايكون سعيد ويسعدك

وعارفين الاصعب من ده كله ايه بقى؟

لما حد يدى احساس معين لحد وبعدين يسحبه منه ياااااه بتبقى صعبة اوى

كتير اتطلب منى أتأقلم على ظروف الناس اللى بحبهم وأقدر مسؤلياتهم وظروف حياتهم اللى بتتغير

انا مقدره وكل حاجة بس انا في نقطة الناس مش فاهمينها

مهما كان الناس اللى بحبهم مشغوليين ولو غابوا عنى سنة بيفضل احساسى بيهم هو هو ولما بيرجعوا مجرد بيقولى كلمة اننا رغم ظروفنا مش نسيناكى بحبهم اكتر من الاول

بس المشكلة في الناس اللى تحس انهم معاك ومش معاك يعنى قريبين وهما بعاد

ممكن يكونوا بيعملوا اكتر من اللى كانوا بيعملوه الاول عشان يرضوك وانت مش حاسه

مقدرتش افسر النقطة دي

بس هو الاحساس .. الاحساس بجد

ربنا ما يحرمنا منه

انا عارفة انى تطرقت لكذا حاجة بس ده عيب العامية عندى مبعرفش امسك نفسي في نقطة واحدة :D

لو لم يكن الإنتحار كفراً لإنتهى العالم

.

.

"لو لم يكن الإنتحار كفراً لإنتهى العالم"

كثيراً ما سمعت تلك الجملة ولكن كانت تمر مرور الكرام على أذنى .. لم أدرك أبداً أنه لاى سبب مهما عظم يدفع شخص للإنتحار

ولكنى بكل ثقة قنعت بها الآن

أعلم أنه الكفر بعينه ولكنى لم أقل لكم دعوا أذهانكم تفكر فيما يدفع أحدهم للإنتحار ولكن دعوا قلوبكم فلو ما عانيت ما يعانوه ولو ماشعرت بما شعروا به حينها ستقول بصدق "أنهم مجانين" اليس كذلك؟

فكم من مرة قرأت في الصحف عن إنتحار هذا أو ذاك وأظل أفكر لماذا؟ الم يعلم أنه بذلك خسر الدين والدنيا؟

ولكنهم بحق ليسوا بالمجانين

فهم أفراد طبيعين _أو كانوا طبيعين_ ولكن ضاقت الدنيا من حولهم بشكل ما

لم أحاول سرد أسباب ظاهريه كمن أنتحر من طلاب الثانوية العامة لانه حصد مجموع ضئيل

ولكن هل تعلم بماذاا يشعر هذا أو ذاك ممن يُقدم على تلك الخطوة؟ والتى يراها الحل الامثل والأوحد لشخص مثله؟

إخضع حسك لمدة خمس دقائق فقط لكلماتى الآتيه.....

شخص قل رزقه , إنفضّ من حوله الأحباب , بالإسم حوله من يساندوهولكنهم والله يدفعوه أكثر وأكثر لنبذ الحياة شعور قاتل بحق عندما تشعر أنك مهمش عديم الفائدة لمن حولك إنسان آلى أفقدوه الحس والشعور والأمان والطمأنينة أبسط حقوق الإنسان في الحياة

ولو حاول فقط مجرد المحاولة التعبير عما يعتصره من ألم أصبح لديهم أبن عاق وأخ متطاول وصديق متمرد

أليس من حقه أن يدمع؟ وعندما يدمع يجد من يحتضنه ويمسح بكائه ممن يدّعون محبته؟أليس من حقه عندما تضيق به الدنيا يلجأ لحضن أمه يحتمى فيه ويشعر بيدها تتلمس رأسه؟ أليس من حقه عندما يواجه أزمه يهرول نحو والده يحكى ويسمع؟ اليس من حقه أن يغضب؟ أن يبتسم ؟أن يحوى بين ضلوعه ضيق وألم وحسرة؟ أن يغضب ممن جرح إحساسه؟يريد أن يحيا , يشعر أنه يملك قلب يتأثر وعين ترى وعقل يفكر ويتدبر , والأدهى من ذلك أنه لم يطلب منهم المسانده ولكن على الأقل لا يضيفوا إلى آلامه المزيد , ألا يحقروا ما بداخله

أعلم أن الكثير منّا مر بشئ أو ربما كل ما ذكرت ولم يفكر في الفكرة المجنونة _الانتحار_ لانه على علم بأنه الكفر بعينه

ولكن هناك من هم أضعف منك فمهما كانت قوة تحمله ومهما كان ذو صبر وجلد فهو في الأصل إنسان يخطأ ويتألم ومهما كانت درجة إيمانه بالله , بدون أن يشعر سيولد في قلبه كثير من مشاعر الكره والحقد ومزيد من الألم ومزيد من الإعتقاد أنه لا يوجد أمامه طريق إما الوحدة أو الانتحار, فليكن حكمنا عليهم أرحم من ذلك ودعوا عقابهم لله الواحد , ليكن تفكيرنا بهم دافع للحفاظ على عدم حدوث المزيد

لعل تكون كلماتى عبّرت عن الفكرة ولكنها بحق قليله

لأن الأسباب يصعب على حصرها ولعل تكون أكثر مما ذكرت بكثير ولكنى على يقين

أن هؤلاء ليسوا مجانين أو متهورين فهم أضعف وأنقى من ذلك , لعل الله يرحمهم

ولكن ليكن الإيمان بالله دائما في القلوب ولن ينسى الله أحد فهو الرحيم بعباده

إنتظرونى قريباً مع مزيد من الإكتئاب :D

فــي الأصــل إنســـان

.

.

.

.

السلام عليكم ورحمة الله وبركاته

بقالى كتير جداً بفكر أعمل المدونة دي ولا لأ .. إنتوا طبعاً عارفين مدونتى الرئيسية همسات وعارفين الطابع بتاعها ..بس أنا كتير بكتب حاجات مع نفسي بره نطاق الشعر والخواطر بتمس قضايا الإنسان من جوة نفسية إلى حد كبير بحاول كتير أفكر في الأمور من جوه أوى يعنى مثلا مثلا يعنى الأسباب إللى بتدفع شخص للإنتحار بعيداً عن أى سبب مادى .. وهكذا حاجات زي كده يعنى إن شاء الله هاتشوفوها

فكرت كتير أكتبها في المدونة الرئيسية همسات بس حسيت إن المواضيع دي هاتخرج اللى بيقرأ من جو المدونة العام يعنى . الهدوء والرومانسية وكده عشان كده فكرت أعملها مدونة منفصله وأخلى برضو جوها العام يوحى بمودها

وإللى خلانى بقى أختار الإسم ده بالذات سبحان الله أنا محترتش كتير أول ما فكرت في المدونة .. ده يعتبر أول إسم جه في بالى يمكن عشان ناس كتير أوشعوب كتير نسيت بجد يعنى إيه إنسان إنشغلوا بالمال والقوة ونسيوا إللى بيحرك كل ده

أو يمكن عشان شوفت حاجات كتير اوى بتتعمل فينا كبنى آدمين بقت مألوفة أوى وعادى أوى أنها تحصل .. لكن في الأصل دي مينفعش تحصل فينا كبنى آدمين

معلش أنا رغيت كتير بس ‘إن شاء الله أكيد هاتفهموا قصدى أكتر لما أبدأ أكتب بإذن الله .. وان شاء الله تكون مدونة خفيفة ومش تحسوا بملل

وان شاء الله أنا أقدر أوصل هدفى عن طريقها